Dimmatag ni Bise Presidente Sara Duterte iti Korte Suprema (SC) idi Hulio 7, tapno paisardengna ti impeachment trial iti Senado nga agpapaay a kas Impeachment Court.
Babaen ken ni abogado Israelito P. Torreon, impila ni Duterte ti urgent motion and manifestation iti SC ket kinuestionarna ti autoridad ni Senador Francis “Chiz” Escudero nga agbalin a presiding officer ti Impeachment Court.
Kiniddaw ni Duterte iti SC ti pannakaipaulog ti injunction ken dadduma pay a pamuspusan tapno malapdan ti Impeachment Court, agraman dagiti opisial, kameng, mangibagi, ken amin a tao nga addaan pakainaigan daytoy, iti panangisayangkatda iti impeachment trial ti bise presidente.
Saan pay nga ammo no tamingen ti SC ti kiddaw ni Duterte iti maangay a sesion ti SC ita nga aldaw, Hulio 8. (Rey Panaligan/Manila Bulletin//Lito Hilidon/Bannawag)
