Saan a pinalubosan ti Sandiganbayan Fifth Division a makadar-ay ni Senador Jose “Jinggoy” Estrada iti impeachment trial ni Bise Presidente Sara Duterte iti Senado, gapu iti kaawan ti merito.
Iti resolusion a naipaulog idi Hulio 9, saan a pinatgan ti Sandiganbayan ti kiddaw ni Estrada, ta kaipapanan daytoy ti panangipaay iti pribilehio ken ni Estrada idinto a naipasidong daytoy iti preventive detention.
Inkalintegan ni Estrada a kasapulan unay ti idadar-ayna iti impeachment trial ni Duterte ta kasapulan ti dua a kakatlo (2/3) ti amin a senador tapno makombiktar ti impeachable official, ket nadagsen a rason ti panagpaayna a kas senator-judge tapno mairuar iti detention.
Ngem segun iti Sandiganbayan, saan nga umdas a rason ti panagpaay ni Estrada a kas senator-judge iti impeachment trial tapno mapatgan ti kiddawna, ket inlawlawag ti korte nga agbalin nga awan kapapay-anna ti pannakaiditener ni Estrada no mapatgan ti kiddawna.
Naiditener ni Estrada iti New Quezon City Jail iti Payatas gapu iti kasona a plunder mainaig iti naanomalia a flood control project. (Jel Santos/Manila Bulletin//Lito Hilidon/Bannawag)
