Sinupiat ni Batanes lone district Rep. Ciriaco Gato Jr. ti imbaga dagiti Intsik nga iskolar a ti Batanes, ti probinsia iti ngudo ti amianan a Luzon, ket kukua ti Taiwan, ket kaawatan a kukua met ti China.
Iti maysa nga statement ni Gato ita nga aldaw, Hulio 10, kinunana nga ania man a panangkarit iti agdama a kasasaad ti Batanes ket saan laeng a panangriribuk iti rehion, no di ket pananglais iti kinasiasino dagiti agindeg iti probinsia.
Segun ken ni Gato, nabatad a probinsia ti Filipinas ti Batanes, ken Filipino dagiti Ivatan, kas nailanaden iti historia, Konstitusion, ken paglintegan ti Filipinas.
Naaramid daytoy kasanguanan ti pannakarambak ti maikasangapulo a tawen ti 2016 arbitral case ti Filipinas iti Permanent Court of Arbitration (PCA) iti The Hague, a nangilaksid iti nine-dash line ti China a panangtagikua iti entero a West Philippine Sea. (Ellson Quismorio/Manila Bulletin//Lito Hilidon/Bannawag)
