Awan ti makita ti Philippine National Police (PNP) a biddut iti panangala iti maikadua nga opinion iti kasasaad ti salun-at ni Senador Rodante Marcoleta a naipan iti ospital iti Camp Crame iti Siudad ti Quezon sipud idi naarestar daytoy idi Hulio 6 gapu iti kasona a plunder.
Inggunamgunam ti pannakangiwat ti PNP a ni Col. Allen Rae Co nga inaramid dagiti doktor ti amin tapno matungpal dagiti pagannurotan para kadagiti tao nga adda iti kustodia ti polisia, kangrunaan iti benneg ti salun-at.
Segun ken ni Co, saan a maibilang a panangkuestionar iti integridad ti resulta ti panangeksamenda ken ni Marcoleta ti pammilin nga impaulog ti Sandiganbayan, no di ket maysa daytoy a pamuspusan tapno mapukaw ti panagduadua dagiti tao a mangkueskuestionar iti agtultuloy a panagtalinaed ni Marcoleta iti PNP General Hospital.
Naiditenar iti New Quezon City Jail ni Marcoleta, ken dagiti tallo pay a kakaduana, , a pakairamanan ni dati a kongresman Mike Defensor, gapu iti kaso a plunder nga aggatad iti ₱75 a milion. (Aaron Recuenco/Manila Bulletin//Lito Hilidon/Bannawag)
