Binilin ni Presidente Marcos Jr. dagiti ahensia ti gobierno a dagiti laeng proyekto a napardas a maipatungpal ken awan ti lappedna ti rumbeng a mairaman iti 2027 national budget.
Daytoy ti kinuna ni Executive Secretary Ralph Recto idinto nga impaganetgetna kadagiti kameng ti gabinete a dagiti laeng proyekto a maitunos iti national development plan ti presidente ken pagnumaran ti publiko ti rumbeng a maikkan iti pondo para iti umay a tawen.
Inaprobaran ni Marcos ti 2027 national expenditure program (NEP) idi Hulio 10, kalpasan nga indatag daytoy ni secretary ti Department of Budget and Management (DBM) Kim de Leon iti naangay a taripnongda idi Hulio 9.
Dimmar-ay iti nasao a taripnong dagiti daulo ti kangrunaan nga ahensia ti gobierno a da DepEd Secretary Juan Edgardo Angara, DSWD Secretary Rex Gatchalian, DA Secretary Francisco Tiu Laurel Jr., DOLE Secretary Francis Tolentino, ken DOE Secretary Sharon Garin. (Betheena Unite/Manila Bulletin//Lito Hilidon/Bannawag)
