Ti panangtengngel iti ngumatngato a presio ti magatgatang ti kangrunaan a pakaseknan dagiti Filipino, idinto a 57 a porsiento ti nagkuna a dayta koma ti kangrunaan a prioridad ti gobierno.
Daytoy ti resulta ti surbey nga inwayat ti Pulse Asia idi Hulio 20, babaen ti rupanrupa nga interbiu manipud Hunio 28 agingga Hulio 23, 2026.
Sumaruno ditoy ti panagkunniber (corruption) nga addaan iti 43 a porsiento, kasta met ti matgedan dagiti empleado (36 a porsiento).
Segun iti 19 a porsiento, ipangruna koma ti gobierno ti parikut iti illegal a droga, ken ti panggedan (15 a porsiento), ken panangipababa iti presio ti lana (13 a porsiento), panangitandudo iti talna (11 a porsiento), parikut iti panagbisin (11 a porsiento), ken ti panangipatungpal iti linteg (11 a porsiento). (Jel Santos/Manila Bulletin//Lito Hilidon/Bannawag)
