Ni Philippine Army (PA) commander Lt. Gen. Antonio Nafarrete ti nadutokan a baro a chief of staff ti Armed Forces of the Philippines (AFP) idi Hulio 21, a nangsukat ken ni Gen. Romeo Brawner Jr. a nagretiron.
Indauluan ni Presidente Marcos Jr. ti turnover ceremony ken panangpadayaw kadagiti nagretiron a naangay iti Camp General Emilio Aguinaldo iti Siudad ti Quezon idi Hulio 21.
Iti panagbitla ni Nafarette, kinunana a sumrek ti AFP iti napateg a benneg ti armada idinto nga agbaliw ti operasionda manipud iti panangparmek iti pangta iti uneg ti pagilian, pagbalinenda pay a natibtibker ti panangsarangetda kadagiti pangta manipud iti ruar ti pagilian.
Segun ken ni Nafarete, agtalinaed a prioridad ti AFP ti panangsalaknib iti teritorio ti Filipinas, kinaagwaywayas, ken interes ti pagilian.
Kinuna pay ni Nafarette a masapul a pagbalinenda a moderno dagiti kabaelanda, mapatibker ti pannakialiansa, maipangruna dagiti taoda, ken saganaanda ti masakbayan a naiduma ngem iti naglabas.
Signal 1, naibayog iti 12 a lugar iti Luzon gapu ken ni Bagyo Kiyapo
Kameng ni Nafarette ti Philippine Military Academy (PMA) Class of 1990, ket nangrugi a nagakem kas PA commander idi Hulio 31, 2025. (Martin Sadongdong/Manila Bulletin//Lito Hilidon/Bannawag)
