Ibilang ti 72 a porsiento dagiti nataengan a Filipino a dakkel a parikut iti pagilian ti panagwaras ti palso nga impormasion (disinformartion), segun iti resulta ti surbey nga "Ulat ng Bayan" ti Pulse Asia a nairuar ita nga aldaw, Hulio 27.
Naiwayat ti surbey kadagiti 2,400 a Filipino a respondent manipud Hunio 28 agingga Hulio 3 ken 6.
Iti sabali a bangir, 41 a porsiento dagiti Filipino nga agus-usar iti internet ti nagkuna a patienda ti impormasion a mabasada iti online no adu a tao ti mangiwaras iti daytoy.
Segun iti Pulse Asia, 85 a porsiento dagit Filipino a nataengan ti agus-usar iti internet, idinto a 80 a porsiento dagti agus-usar iti internet ti saan laeng a maminsan nga ag-online iti maysa nga aldaw.
Dandani amin nga agusar iti internet, wenno 99 a porsiento, ti addaan iti account iti Facebook.
Maika-5 a SONA, idatag ni Marcos ita nga aldaw
Naiwayat ti surbey babaen ti rupanrupa nga interbiu ken addaan iti ±2 a porsiento a margin of error ken 95 a porsiento a confidence level.
(Ellalyn De Vera-Ruiz/Manila Bulletin//Lito Hilidon)
