Maladingitan ni Department of Labor and Employment (DOLE) Secretary Francis Tolentino gapu iti pannakaipaulog iti temporary restraining order (TRO) a mangitantan iti pannakaipatungpal iti panagngato iti matgedan dagiti pribado nga empleado iti National Capital Region (NCR).
Inyetnag ti Pasig Regional Trial Court (RTC) Branch 152 ti TRO iti pannakayimplementar iti Wage Order No. 27 nga impaulog ti Regional Tripartite Wages and Productivity Board-National Capital Region, gapu iti kiddaw ti dua a construction company -- ti Readycon Trading and Construction Corporation ken ti R-II Builders Inc.-- a manglapped iti pannakaipatungpal ti ₱85 a panagngato iti sueldo dagiti mangmangged iti pribado a sektor iti Kamanilaan.
Segun ken ni Tolentino, raemenda ti pangngeddeng ti korte ket isunton ti mangilawlawag no apay a kasta ti pangngeddengda.
Maited ti ₱60 iti umuna a paset ti panagngato ti matgedan iti Hulio 25, idinto a maited ti maikadua a paset a ₱25 inton Enero 20, 2027. (Ferdinand Patinio/Manila Bulletin//Lito Hilidon/Bannawag)
