Pimmigsa ket nagbalinen a bagyo ti Tropical Depression Maymay (internasional a nagan “Kujira”) ita nga aldaw, Agosto 5, a nangitunda iti pannakaibayog ti Tropical Cyclone Wind Signal (TCWS) No. 2 iti nadumaduma a paset ti Northern Luzon.
Segun iti waragawag ti Philippine Atmospheric, Geophysical and Astronomical Services Administration (PAGASA) itay 4:00 iti parbangon, nasaripatpatanda ti sentro ni Bagyo Maymay iti agarup 170 a kilometro iti laud-amianan a laud ti Bacnotan, La Union.
Agpigsa ni Maymay iti 65 a kilometro kada oras iti asideg ti sentrona, ken pugso nga agingga iti 80 a kilometro kada oras, ken agturong iti abagatan a daya.
Naibayog ti TCWS No. 2 iti sentro ken abagatan a paset ti Ilocos Sur (Gregorio del Pilar, Magsingal, San Esteban, Banayoyo, Cervantes, Burgos, Siudad ti Candon, Santa Lucia, Santiago, San Vicente, Santa Catalina, Lidlidda, Nagbukel, Suyo, Sigay, San Ildefonso, Galimuyod, Quirino, Siudad ti Vigan, San Emilio, Caoayan, Alilem, San Juan, Santa, Bantay, Santo Domingo, Sugpon, Tagudin, Santa Cruz, Santa Maria, Narvacan, Salcedo); iti amianan ken sentro a paset ti La Union (Luna, Caba, Santol, Bauang, Siudad ti San Fernando, San Juan, Bagulin, Aringay, Bangar, San Gabriel, Burgos, Naguilian, Bacnotan, Sudipen, Balaoan); iti amianan a laud a paset ti Pangasinan (Anda, Bolinao, Bani); iti abagatan a kaud a paset ti Abra (Manabo, Pidigan, Langiden, Luba, Boliney, Sallapadan, Bucloc, Tubo, Villaviciosa, Pilar, Peñarrubia, San Isidro, San Quintin, Bangued, Bucay); iti laud a paset ti Mountain Province (Besao, Tadian); iti amianan a laud a paset ti Benguet (Mankayan, Kapangan, Kibungan, Sablan, Bakun).
Nagtalinaed ti Signal No. 1 iti Ilocos Norte, Apayao, Kalinga, kadagiti dadduma pay a paset ti Ilocos Sur, La Union, Pangasinan, Abra, Mountain Province, Ifugao, ken iti Benguet, Cagayan, Isabela, Quirino, Nueva Vizcaya, ti amianan a paset ti Zambales (Candelaria, Santa Cruz, Masinloc, Palauig), ti amianan a paset ti Tarlac (Mayantoc, San Clemente, Camiling, Santa Ignacia, Gerona, Paniqui, Moncada, San Manuel, Anao, Ramos, Pura), ti amianan a paset ti Nueva Ecija (Carranglan, Lupao, Cuyapo, Talugtug, Nampicuan, Guimba, Science City of Muñoz, Siudad ti San Jose, Pantabangan), ken ti amianan a paset ti Aurora (Dilasag, Casiguran, Dinalungan, Dipaculao).
Pannakawaswas ti TRO iti naipangato a sueldo dagiti mangmangged iti Metro Manila, kiniddaw ti Senado iti korte
Kinuna ti PAGASA nga agpadaya ni Bagyo Maymay ken mabalin nga agdisso iti Ilocos Sur wenno La Union inton Mierkoles iti malem wenno rabii sakbay a tuparenna ti Northern ken Central Luzon agingga iti Agosto 6. (Ellalyn De Vera-Ruiz/Manila Bulletin//Lito Hilidon/Bannawag)
