Ti edukasion ken impraestruktura ti maikkan iti dakkel a prioridad iti singasing a ₱7.2-trilion a nailian a badiet para iti 2027, segun iti 2027 National Expenditure Program (NEP) nga indatag ni Presidente Marcos Jr. iti Kongreso.
Maibasar iti NEP, ₱1.314 a trilion ti singasing a pondo para iti benneg ti edukasion iti tawen 2027 agraman ti ₱976 a bilion a pondo ti Department of Education (DepEd).
Daytoy ti mangpondo iti programa ti DepEd manipud school feeding agingga iti panangpadur-as kadagiti mannursuro, digital learning, scholarship, ken serbisio para iti salun-at ti panunot, kasta met ti ₱11.4 a bilion para ti School-Based Feeding Program ken ₱30.5 a bilion para iti Basic Education Facilities Program.
Mailatang ti ₱1.467 a trilion a pondo para iti benneg ti impraestruktura tapno maipatungpal ti programa a Build Better More a mangipatakder iti kalsada, rangtay, riles, eropuerto, power facility, water system, ospital, pagadalan, ken irigasion.
Maikkan ti Department of Public Works and Highways (DPWH) iti ₱644 a bilion a pondo, agraman ti ₱176.6 a bilion para iti panangpasayaat kadagiti kalsada, ₱76.5 a bilion para iti asset preservation, ken ₱44.4 a bilion para iti Bridge Program.
VP Duterte, indarum ti DOJ
Manamnama a manayonan ti badiet dagiti sektor ti salun-at, social protection, agrikultura, panggedan, ken digitalization. (Argyll Cyrus Geducos/Manila Bulletin//Lito Hilidon/Bannawag)
