Maipakaammo kadagiti amin a continuing scholar wenno dati a benepisiario iti Edukasyon Para sa Masa Scholarship Program (EPSMSP) iti local government unit (LGU) ti Santa, Ilocos Sur nga agipasadan kadagiti kasapulan a dokumento para iti daytoy a programa ti lokal a turay.

Daytoy ti inggunamgunam ni Mayor Jeremy Jesus Bueno III tapno agtultuloy ti panangeskolar ti EPSMSP. Inlawlawag ni Bueno a nasken a maidatag dagiti sumaganad a dokumento agingga inton Septiembre 4, 2026:

1. Certificate of Grades

2. Certificate of Registration/Enrollment Form

3. Certificate of Indigency manipud iti barangay

Lokal

Santa SK Federation, national finalist iti Sangguniang Kabataan Awards 2026

4. Scholarship Contract

Paset daytoy ti kangrunaan a programa ti administrasion ni Mayor JJ Bueno III a mangitag-ay iti edukasion, babaen ti naan-anay a suporta ti Sangguniang Bayan ti Santa nga idauluan ni Bise Mayor Jesus Bueno Jr. (MARILYN CORRALES CONTILLO)