Maysa ni dati nga editor ti Bannawag Clesencio B. Rambaud, kadagiti lima a pinili ti Komisyon sa Wikang Filipino (KWF) nga ipaayan iti Natatanging Pagkilala, kas paset ti pannakarambak iti Buwan ng Wikang Pambansa ita a tawen.
Maipaay ti pammadayaw gapu iti naisangsangayan a saririt ken nagapuananda kadagiti bukodda a tay-ak a nangitandudo iti pagsasao a Filipino ken dadduma pay a pagsasao iti Filipinas a pakairamanan ti Ilokano.
Kadua ni Rambaud a mapadayawan da Alexandra M. Eala, Linda R. Andaya, Oscar M. Balajadia Jr., ken Phillip Y. Kimpo Jr.
Awatenda ti pammadayaw iti KWF Gabi ng Parangal 2026 a maangay ita nga aldaw, Agosto 27.
Nasional
