Adda posibilidadna nga agbalin a bagyo ti maysa a low-pressure area (LPA) a maawagan iti LPA 08i, iti las-ud ti 48 nga oras, segun iti Philippine Atmospheric, Geophysical and Astronomical Services Administration (PAGASA) ita nga aldaw, Agosto 27.
Itay 2:00 iti parbangon, adda ti LPA iti 1,030 a kilometro iti daya ti Northern Luzon. Agpaamianan ti LPA iti amianan a paset ti Philippine Sea bayat nga ang-angayenna ti ragup dagiti kaulpanna.
Apaman nga agbalin a bagyo ti LPA iti Philippine Area of Responsibility (PAR), managananan daytoy iti “Pilandok.”
Segun ken ni PAGASA weather specialist Leanne Loreto, adayo nga agdisso ti LPA iti daga ti pagilian, ngem guyoden daytoy ti abagat a mangyeg iti tudo iti nadumaduma a paset ti pagilian. (Ellalyn De Vera-Ruiz/Manila Bulletin//Lito Hilidon/Bannawag)
