Nobela
Ni REYNALDO A. DUQUE (MAIKA-17 A PASET) KABIGATANNA, agarup alas dies iti agsapa idi dumteng ni Mr. Tamayo iti talier. Dinakulapna ni Tio Tante apaman a makaasideg, kasta met a tinapikna ti kanigid nga abagak. “Ania, Tante?” dinamagna. “Good as new manen ti makina ‘toy luganyo, Mister Tamayo,” kinuna ni Tio Tante. “Saannakayon nga ibitin daytoy iti dalan!” “Dayta ti pagbilibak...
LITERATURA
KLASIKO A SARITA: Naisakab a Sairo (3)
August 14, 2026
KLASIKO A SARITA: Ti Kaadayoda iti Panungpalan (3)
ABABA A SARITA: Lucky
August 13, 2026
KLASIKO A SARITA: Naisakab a Sairo (2)
NOBELA: Bastardo (15)
August 12, 2026
Bannawag Magazine
Ni REYNALDO A. DUQUE (MAIKA-16 A PASET) INLEPPASKO nga umuna ti dadaitek a pantalon sakbay nga immakarak iti welding ken auto repair shop ni Tio Tante. Nadanonko a mangsuksukimat iti makina ti maysa a Pajero. Makumikom met dagiti tallo a katulonganna a welder, mekaniko, ken helper. Adu ti awatda a lugan a tarimaanen, dandani awan ti itiitan iti talier. “Naimas man dagidiay insangpetmo a...
Ni NORBERTO D. BUMANGLAG JR. NAARIWAWA dagiti estudiante iti kapeteria. Agkakatawada. Agiikkisda. Agiinnangawda. Pasaray agtitinniroda iti french fries no saan a kumitkita ti cafeteria monitor. Awan ti arindenggan. Ania ti ekspektarem? Addakayo laeng iti sekundaria. Nakatugawkayo iti bassit a lamisaan iti suli. Mayat ti panganmo. Mabisinka. Ni Dindo, nakanganga a mangkitkita kenka. “Saanka a...
Ni REYNALDO A. DUQUE (MAIKA-15 A PASET) GAGANGAY a potahe dagiti inorder ni Tina. Fried chicken. Pansit a miki-bihon. Grilled tuna. Boneless crispy pata. Lumpiang sariwa. Buko juice ti innalana nga inumen para kenkuana, green mango juice met kaniak. Ngem iti laksid ti kinalabon ti taraon, agpadpadakami a saan unay a nakakaan. Panagkunak, agduma dagiti gapuna. Para ken ni Tina, mabalin a saan...
NAGKINNITAKAYO nga aggayyem. Mailangaam latta ti nakaro a panagbuteng ni Dindo. Piniselmo ti abagana. Pangpakiredmo iti nakemna. Ngem ammom a saanmo a mapagtalna ti pan unotna. Mariknamon ti panagtigergerna. Uray sika, agduaduakan no kabaelam daytoy. Waloda. Dadakkelda. Sabalin a ranget daytoy, no ranget ti sapsapulenda. Impalawlawmo ti panagkitam. Awan makitam no di sipnget. Anaraar laeng ti...
APAGDATENGYO iti kalye a ‘yan ti pagtaengan ni Rico, nakitayo a dagus ti kotse ni Mama Lupe. Kinitam ni Dindo. Nakudrep ti rupana. Maibagasam ti kaririknana gapu kadagiti urat a timmaud iti pispisna. Ngem dimo kayat nga agaramid iti dinudursok. Ammom no kasano ti kinadakes dagiti tao ni Rico. Amangan no imbes a ni Mama Lupe laeng ti maisagmak, mairamankayo pay ken Dindo. “Adda ditoy ni...
Ni REYNALDO A. DUQUE (MAIKA-14 A PASET) AGARUP alas siete iti sardam idi dumsaagak iti linuganak a para pasahero a dyip iti asideg ti refreshment parlor iti asideg ti unibersidad a pagbasbasaan ni Tina. Idi sumrekak iti parlor, nakitak a nakatugaw iti maysa a bassit a lamisaan iti suli. Pinayapayannak. Inasitgak. “Nabayagka kadin?” Immisem. “Saan met,” kinunana. Nagtugawak iti sangona....
PINAGPASIARNA ti panagkitana kadagiti nagaarimutong a balbalay sa immulana iti bassit a balay nga adda iti di unay adayo iti ‘yanna. Nagulo daytoy a paset ti North Las Vegas ngem iti daytoy nga oras— agin-innagaw pay laeng ti sipnget ken lawag, sumagmamano laeng dagiti tattao a magmagna iti nailet a kalye nga agturong iti pagsadaan iti bus. Nupay adda iti uneg ti luganna a nakaparada,...
Ni REYNALDO A. DUQUE (MAIKA-13 A PASET) SINABATDAKAMI da Rachelle ken dagiti kakaduami nga ekskursionista, kasta met dagiti kakadua da Tina, iti itatakdangmi. “Apay?” impasungad ni Rachelle. “Ania ti napasamak?” Ni Isang ti nangisalaysay. Nagbetted ti saka ni Tina bayat ti panaglangoylangoyna a saan a nakakapet iti lebleb ti balsa. Nakainum iti adu a danum idi maarinebneb....
Ni REYNALDO A. DUQUE (MAIKA-12 A PASET) DOMINGO. Nasipnget pay laeng, nakarubuatakon. Adda ekskursionmi kadagiti sumagmamano a kaeskuelaak. Dar-ayanmi ti kasangay ni Rachelle, kabsat ti maysa a kaeskuelami a babai, nga adda beach resort ti pamiliada iti Nasugbo. Saan pay a nakalgak ti init nupay nalawagen ti aglawlaw idi makagtengak iti sanguanan ti main bulding ti unibersidad a...
