Ni LIEZLE BASA IÑIGO
CAGAYAN – Dandanin malpas ti pangapatan a kalsada (access road) a naisangrat a mangitandudo iti turismo ken panagdur-as ti ekonomia ken kasasaad dagiti umili iti Cagayan.
Kuna ni Regional Director Loreta M. Malaluan a rinugian ti Department of Public Works Highways – Cagayan Third District Engineering Office (DPWH-CTDEO) ti pannakaaramid ti access road iti ili ti Peñablanca.
Agtunged daytoy iti kangrunaan a pangawis ti Peñablanca, ti Callao Cave, maysa kadagiti kalatakan a kueba iti Filipinas ken ad-adda nga am-ammo a pagawis iti turista iti probinsia ti Cagayan.
Apaman a makompleto ti proyekto, papartaken daytoy ti panagdur-as iti turismo, pannakaparnuay dagiti trabaho, ken pannakaipaay dagiti oportunidad iti negosio a mangbenepisiar kadagiti umili ti Peñablanca.
Ruth Padilla, agngayangay a kas Diputado ti Nueva Vizcaya
Nangrugi ti konstruksion ti proyekto idi Mayo 10, 2021 ken nasuroken a kagudua daytoy ti nalpas segun iti rekord agingga iti Oktubre 30, 2021.
Nairusat ti proyekto babaen ti convergence program ti Department of Tourism (DOT) ken Department of Public Works and Highways ( DPWH).
(Damag manipud iti Manila Bulletin.)
