Ni nabotosan a Presidente Ferdinand “Bongbong” Marcos, Jr. iti panangitag-ay da Senate President Vicente Sotto III ken House Speaker Lord Allan Velasco kadagiti imana bayat ti proklamasionna iti House of Representatives iti Siudad ti Quezon, Metro Manila, idi Mayo 25. (BBM Media Bureau/Handout vIa REUTERS)

No la ketdi nasayaatto ti panawen, dakkel ti posibilidadna nga iti Quirino Grandstand iti Rizal Park (Luneta), Manila a maangay ti inaugorasion ni nabotosan a Presidente Ferdinand “Bongbong” Marcos, Jr., kas inlatak ti kabsatna, ni Senador Imee Marcos.

Kuna ni Senador Marcos a nasaysayaat no iti ruar ti pakaangayan ti inaugorasion “para hindi ma-COVID-19.”

Kinuna pay ti senadora a nakallalagip ngamin ti Quirino Granstand iti Pamilia Marcos ta ditoy ti masansan a pagparparangan iti publiko daydi amada, ni dati a Presidente Ferdinand Marcos.

Maad-adal pay a kas posible a pakaangayan ti inaugorasion ti Fort Santiago ken ti National Museum, iti Manila met laeng.

Lokal
Ilocos Sur, Umuna a Puesto iti Regional SubayBAYANI Awards

Ilocos Sur, Umuna a Puesto iti Regional SubayBAYANI Awards