Pimmusay ni mannurat ti Bannawag Leonora Tadena Corpuz ti La Union iti atake ti puso itay Oktubre 28 iti tawenna a 73.
Inaunaan iti tallo nga agkakabsat, nayanak ni Leonora idi Mayo 5, 1949 kada Federico B. Tadena ken Marta I. Orteza, agpada a pimmusayen. Ni Manuel Corpuz ti Balecbec, Naguilian, La Union ti kaingungotna. Kameng ti Hunta Dagiti Direktor (BOD) ti GUMIL La Union-San Fernando City agingga iti ipupusayna.
Ti "My Rabbi" ti umuna a daniw ni LTC a naipablaak iti Union Herald school news organ ti Union Christian College a nagturposanna iti BSE major in English, minor in Filipino idi 1984.
Iti Bannawag, adun dagiti naipabpablaak a sinuratna a pakairamanan dagiti daniwna. Nangab-abak pay kadagiti pasalip iti Radio Iloko ken Tagalog. Miembro ti GUMIL Filipinas manipud idi 1980 agingga idi 2021. Nag-assistant Secretary iti GUMIL La Union idi 1990, ken nag-radio announcer iti DZXC idi 1976.
Nairaman iti libro a Labaw ti GUMIL La Union a naimaldit idi 2006 dagiti tallo a kapipintasan a daniwna: "Kappia," "Malaglagipkanto Latta." ken "Ladawan."
10 nga SPES Interns, naideploy iti LGU SANTA
Bigbigenna ti pluma da Juan S.P. Hidalgo, Jr. ken Pelagio A. Alcantara kas inspirasionna iti itatapogna iti tay-ak ti Literatura Ilokana ken ti panagkamengna iti GUMIL Filipinas ken iti GUMIL La Union. (Djuna R. Alcantara)
