Aganay a 446 nga agngayangay a papili nga opisial ti barangay ken Sangguniang Kabataan (SK) ti nangipila kadagiti certificate of candidacy (COC)-da iti Santa Teresita, Cagayan itay Agosto 28-Septiembre 2.
Segun iti Commission on Elections (COMELEC)-Santa Teresita, duapulo ket lima ti nangipila iti COC para iti barangay chairman ken 242 met ti para iti barangay kagawad.
Iti met SK, duapulo ket innem ti nangipila para iti SK chairman ken 153 ti para iti SK Kagawad.
Kaaduan ti nagipila iti Barangay Villa: uppat ti para iti barangay chairman ken 25 a para iti kagawad. Sumaruno ti Barangay Simpatuyo nga addaan iti tallo a para iti barangay chairman ken 27 a para iti kagawad. Tallo met laeng ti para iti barangay chairman iti Barangay Centro West ken 24 ti para iti kagawad.
Begnas Di Ilocos 2024, maangay inton Okt. 9-11
Sagdudua ti agbalubal a para chairman kadagiti sumaganad a barangay: Buyun (16 ti para kagawad), Caniugan (15 para kagawad), Dungeg (15 para kagawad), Masi (15 para kagawad), ken Mission (22 para kagawad).
Awan ti kabalubal dagiti para chairman iti Alucao (19 ti para kagawad), Aridowen (14 para kagawad), Centro East (14 para kagawad), Luga (23 para kagawad), ken Simbaluca (13 para kagawad).
Iti SK, sagdudua ti aglaban para chairman iti 10 a barangay. Ngem iti Centro West, uppat ti agngayangay a chairman. Dua met ti awan kalabanna a para chairman iti Alucao ken Luga. (Teksto ken ladawan: Laylany Toribio/ Municipality of Santa Teresita)
