Pimmusay ni retirado nga RTC Judge Joven F. Costales, kolumnista ti Bannawag, idi rabii, Septiembre 16, kas impakaammo ti GUMIL La Union-San Fernando City a pagpapaayanna a mammagbaga agingga iti ipupusayna.
Kolum ni Judge Costales ti “Saludsodem ken ni Apo Hues.” Rimmuar ti naudi a sinuratna iti daytoy a kolum iti Septiembre 16-30, 2023 a bilang ti Bannawag.
Ni Judge Costales ti umuna a nagpresidente ti GUMIL La Union (1966) ken umuna a Sekretario Heneral ti GUMIL Filipinas (1968).
Nag-Vice President ti La Union Coalition of Civil Societies Organization (LUCCSO) idi 2019-2022, idi panawen ni LUCCSO Chairman Vini Ortega (ina ni LU Gov Rafy Ortega-David).
Ruth Padilla, agngayangay a kas Diputado ti Nueva Vizcaya
Agingga iti ipupusayna, ni Judge Costales ti Presidente ti National Federation of Senior Citizens ti Filipinas.
Tubo ti Naguilian, La Union, ni Judge Costales. (Djuna R. Alcantara)
