Inaprobaran ti Department of Budget and Management (DBM) ti pannakailatang ti PhP12.26 a bilion para iti pannakabangon dagiti residensial a pasdek para kadagiti informal settlers ken kadagiti biktima ti kalamidad.
Inwaragawag ni DBM Secretary Amenah Pangandaman ti pannakaaprobar ti notice of cash allocation (NCA) a mangted iti autorisasion iti National Housing Authority (NHA) para kadagiti gastos iti housing assistance.
Mapan a PhP12.059-bilion ti mailatang para iti housing assistance kadagiti biktima ti kalamidad, idinto a ti nabati a PhP200-milion, mausar a pangbangon iti uppat a five-storey a low-rise a residensial a pasdek iti Region VI a pakayakaran dagiti informal settler families (ISFs).
Kinuna ni Pangandaman nga agtultuloy a prioridad ti administrasion a Marcos ti pannakaipaay ti desente a pagtaengan para kadagiti Filipino, nangruna dagiti apektado dagiti kalamidad. (CHINO S. LEYCO/Manila Bulletin)
