Mapan a 250,000 nga ektaria a kataltalonan iti sumagmamano a rehion iti pagilian ti mabalin a maapektaran ti El Niño wenno panagtikag, segun iti National Irrigation Administration (NIA).
Kinuna ni Eduardo Guillen, mangidaulo iti NIA, a 20% kadagiti maapektaran a talon ti padpadanuman ti NIA.
Segun ken ni Guillen, mabalin a maapektaran a luglugar dagiti rehion ti Ilocos, Central Luzon, Mimaropa (Mindoro, Marinduque, Romblon, Palawan), Soccsksargen (South Cotabato, Cotabato, Sultan Kudarat, Sarangani, General Santos), Western ken Central Visayas, ken Zamboanga Peninsula.
Kinuna pay ni Guillen a namonitorda a nangrugin ti panagtikag iti sumagmamano a lugar iti Visayas ken Mindanao.
Mangnamnama ni Marcos iti pannakaisubli ti panangipateg ni Pinoy iti arte a Filipino
“Di bumurong a mapasarantayonto dayta, aglalo iti daytoy 2024," innayonna.
Segun pay iti daulo ti NIA, makikikoordinardan kadagiti maseknan nga ahensia ti gobierno tapno maleplepan dagiti epekto ti tikag.
Kinuna nga iti agdama, agplanplanon dagiti regional managers ti Department of Agriculture ken ti NIA tapno makaiwayatda kadagiti wagas a matulongan dagiti mannalon kas iti no ania a nasayaat a variety ti pagay ti usarenda kas ibalakad ti Philippine Rice Research Institute.
Kaudian a napasaran ti pagilian ti El Niño iti maudi a quarter ti 2018 agingga iti maikatlo a quarter ti 2019. (Ferdinand Patinio/PNA)
