Maitultuloy ti Binninglay Online, programa ti GUMIL Filipinas (gunglo dagiti mannurat nga Ilokano) a pakaibinglayan ti paglaingan ni Ilokano kadagiti padana nga Ilokano, a kas subadna, mangibinglay met dagiti maparaburan iti laing iti sangkabassit a gatad a kadatayo nga Ilokano, maawagan iti “kurkurus.”
Iti daytoy Binninglay 2, maangay inton Enero 20, 2024, Sabado, 9:00-11:00 iti rabii.
Da Luvimin T. Aquino, Sr. ken Letty Astudillo-Aquino, agkaingungot a nalatak a mannurat, aktor ken prodiuser iti drama a para radio, ti mangibinglay babaen ti topiko a “Panagsurat iti Script a Para Radio.”
Maawis ti amin nga Ilokano, mannurat man wenno fan kadagiti drama iti radio, nga agatendar. Agrehistro laeng ken agbayad iti bassit a registration fee (PhP50) a mabayadan babaen ti GCash ken ni GF Treasurer Anna Liza M. Gaspar babaen ti GCash Account a 09555869454. Ited met ti digital receipt ken ni Freddie P. Masuli, chairman ti Seminar-Workshop Committee ti GF a mangiwardas iti proyekto, iti babaen ti private message (PM) iti Messenger tapno maited ti mausar a Zoom Link. (GF Secretariat)
