Nagpirma iti katulagan ti Filipinas ken Germany itay Marso 12 a mangpalaing kadagiti Filipino a mangmangged nga agtrabaho iti tay-ak ti teknolohia.
Nasangal daytoy a pannakapabaro ti panagtinnulong ti Technical Education and Skills Development Authority (TESDA) ken ti Federal Institute for Vocational Education and Training (BIBB) iti 3-aldaw nga isasarungkar ni Presidente Ferdinand Marcos, Jr. iti Berlin, Germany.
Paset ti tulag ti panangpasayaat iti Technical and Vocational Education and Training (TVET) ti Filipinas.
Kinuna ni German Chancellor Olaf Scholz a maikkanton iti gundaway dagiti Filipino nga agtrabaho iti Germany no maipaulog ti paglintegan a mangpalaka iti panangpastrek kadagiti ganggannaet a mangmangged.
Kompania a paset ti Miru Joint Venture para iti 2025 Election, nagbabawi
Impaganetget ni Scholz a daytoy a tulag ti Filipinas ken Germany ti mangital-o ken mangpabaro iti laing dagiti Filipino a mangmangged.
Mapan a 35,930 ti Filipino nga agindeg iti Germany. (Ruth Abbey Gita-Carlos/PNA//Lito Hilidon/Bannawag)
