Impanamnama ti Department of Migrant Workers (DMW) ti sibubukel a panangtulongda kadagiti dua nga Overseas Filipino Worker (OFW) a naibalud iti Brunei.
Idi Mayo 29, 2024 sinarungkaran ni DMW Secretary Hans Leo Cacdac da Edgar Puzon ken Cyrile Tagapan a nasentensiaan iti death penalty ken nakapupok iti Maraburong Prison Facility 1 iti Keriam, Tutong District, iti Brunei Darussalam.
Nasentensiaan ni Puzon iti kaso a pammapatay (murder) iti padana nga OFW idi 2005, idinto a nasentensiaan met ni Tagapan iti kaso a pammapatay iti maysa nga umili ti Brunei, arson ken panagtakaw.
Ngem naipababa ti sentensiada iti tungpal-biag a pannakaibalud.
PSC, naka-red alert; seguridad ni Marcos, nadoble kalpasan ti pangta ni Duterte
Segun ken ni Atty. Czar Calabazaron a kadua ni Cacdac, naipilan dagiti panagkiddaw iti pammakawan (pleas for clemency) iti Attorney General’s Chambers and the Privy Council of the Prime Minister’s Office.
Inyebkas met ni Puzon ti panagyaman ken pananginanamana a nasapa a mawayawayaan idinto nga agpitopulon ti tawenna inton umay a tawen, segun ken ni Cacdac.
Nangipaay pay iti pinansial a tulong ti DMW kadagiti naibalud nga OFW babaen ti Agarang Kalinga at Saklolo para sa mga OFW na Nangangailangan (AKSYON) Fund ti ahensia.
Nagyaman met ni Cacdac iti Brunei Ministry of Foreign Affairs, Acting Director of Brunei Prisons, Prime Minister’s Office, Deputy Permanent Secretary for Security and Welfare, ken kadagiti mangimatmaton iti Maraburong Prison Facility a nangpalubos kadakuada a mangsarungkar kadagiti naibalud nga OFW. (Ferdinand Patinio/PNA//Lito Hilidon/Bannawag)
