Imbatad ti Philippine Institute of Volcanology and Seismology (Phivolcs) ti yaadu ti panagdayyeg ti daga iti Bulkan Kanlaon iti Negros Island kalpasan a bimtak daytoy idi rabii ti Lunes, Hunio 3, 2024 ket nangipugso iti 5,000 a metro (5 a kilometro) ti kangatona a dapo.
Segun iti Phivolcs, itay 8:00 ti agsapa ti Hunio 4, addan nairekord a 43 a panagdayyeg ti daga iti napalabas a 24 nga oras.
Daytoy pay laeng ti napateg a napaliiw ti Phivolcs kalpasan a bimtak ti Bulkan Kanlaon a nangparnuay iti napipigsa a ginggined.
Segun pay ti Phivolcs, addada pagilasinan a saan pay a nagtalna ti bulkan ket mabalin agtungpal daytoy iti ad-adu pay a panagbettak.
COC ni Doc Willie Ong a para senador, impila ti asawana
Gapu itoy, naibayog ti Alert Level 2 ta mabalin nga agipugso iti magma ti bulkan.
Binilin ti Phivolcs ti publiko ken dagiti gobierno lokal a saanda a mapmapan iti 4-kilometro a permanent danger zone.
Iti sabali a bangir, nayakaren ti nasurok a 100 a tao nga agindeg kadagiti uppat a barangay nga asideg iti Bulkan Kanlaon iti Canlaon City, Negros Occidental. (Ellalyn De Vera-Ruiz/Manila Bulletin//Lito Hilidon/Bannawag)
