Indeklarar ti Philippine Atmospheric, Geophysical, and Astronomical Services Administration (PAGASA) ita, Hunio 7, 2024 a nagpatinggan ti El Niño phenomenon, ta nagsublin iti neutral phase ti El Niño Southern Oscillation (ENSO).
Segun iti PAGASA, gapu iti panagbaliw ti klima iti tropiko a rehion ti Pasipiko, imbabadan ti ENSO Alert and Warning System iti "inactive," idinto a wanwanawanada ti idadateng ti La Niña.
Ngem inlawlawag ti PAGASA a nupay nagbalinen nga inactive ti El Niño, mabalin a masagrap latta ti napaut nga epekto ti El Niño, kas iti nabarbara ngem iti gagangayna a temperatura ken basbassit a panagtudo.
Pattapattaen ti PAGASA a mabalin nga agbaliw ti tiempo, manipud ENSO-neutral agturong iti La Niña agingga iti Hulio-Agosto-Setiembre 2024.
Valdez, Opinaldo, Padios, nangabak iti Maika-72 a Palanca Memorial Awards for Literature
Yeg ti La Niña ti napigsa a bayakabak a mangparnuay iti panaglayus, panagreggaay ti daga, ken dadduma pay a didigra a mainaig iti danum. (Ellalyn De Vera-Ruiz/Manila Bulletin//Lito Hilidon/Bannawag)
