Iti naangay a Command Conference ti Philippine Navy (PN) nga indauluan ni Presidente Ferdinand R. Marcos Jr. itay Hunio 6, 2024, impanamnama ni Navy Chief Vice Adm. Toribio Adaci Jr. nga agtultuloy ti PN a mangsalaknib iti taaw ti Filipinas ken kadagiti umili.

Inlawlawag ni Presidente Ferdinand "Bongbong" Marcos, Jr. (PBBM) a saan a makigubat ti Filipinas iti uray ania a pagilian, nupay pappapigsaen ti gobierno ti kabaelan ti armada a salakniban ti pagilian maibusor kadagiti pangta iti ruar.

Daytoy ti imbalakad ni PBBM kadagiti kameng ti 10th Infantry Division ti Philippine Army (PA) iti Mawab, Davao de Oro itay Hunio 6, 2024.

Kinuna ti Presidente a nupay nakissayanen dagiti pangta iti uneg ti pagilian, insapatana nga ipaayna dagiti kasapulan ti Armed Forces of the Philippines (AFP) a pondo, panagsanay, ken ramit, ta nasken a sarangtenda dagiti pangta manipud iti ruar ti pagilian.

Impaganetget ti Presidente a masapul nga aglupos ti AFP tapno matungpalda ti pagrebbenganda a mangsalaknib iti kinatalged ken seguridad ti teritorio ti Filipinas maibusor kadagiti lumtuad a pangta.

Nasional
Valdez, Opinaldo, Padios, nangabak iti Maika-72 a Palanca Memorial Awards for Literature

Valdez, Opinaldo, Padios, nangabak iti Maika-72 a Palanca Memorial Awards for Literature

Impasingked pay ni Presidente Marcos a saan a makigubat ti Filipinas iti uray ania a pagilian, ngem karbenganna a salakniban ti pagiliantayo. (Betheena Unite/Manila Bulletin//Lito Hilidon/Bannawag)