Indauluan ni Presidente Ferdinand R. Marcos, Jr. ti pannakailukat ti Solar Pump Irrigation System iti Brgy. Cabaruan, Quirino, Isabela itay Hunio 10, 2024. Dimmanggay da House Speaker Martin Romualdez (kakanigidan), Isabela Governor Rodolf T. Albano (maikatlo iti kanawan), Ilocos Norte 1st District Representative Sandro Marcos (kakanawanan), ken dadduma pay nga opisial ti lokal, probinsial ken nasional a gobierno.

Inaugoraran ni Presidente Ferdinand R. Marcos Jr. ita, Hunio 10, 2024, ti Cabaruan Solar-Powered Pump Irrigation Project (SPIP) iti Quirino, Isabela.

Aggatad iti PhP65.77 a milion, daytoy nga irigasion a patpatarayen ti init ti kadakkelan iti pagilian ket mangpadanum iti 350 nga ektaria ti taltalon, ket pagnumaran ti 237 a mannalon.

Impatakder ti National Irrigation Administration (NIA) ti Cabaruan SPIP manipud idi Hulio 6, 2023 ket nalpas idi Pebrero, 2024 babaen ti Mangat River Integrated Irrigation System (MARIIS).

Patarayen daytoy ti 1,056 a solar panel a mangparnuay iti 739,200 watts ti koriente agpaay kadagiti dua a submersible pump. Manamnama ti 12,800 a galon tunggal minuto ti kabaelan a parnuayen ti tunggal submersible pump.

Nasional
COC ni Doc Willie Ong a para senador, impila ti asawana

COC ni Doc Willie Ong a para senador, impila ti asawana

Segun ken ni Presidente Marcos, addan 15 a dadakkel ken dua a babassit nga SPIP ti inted ti NIA iti Cagayan Valley Region.

Innayon pay ti Presidente nga ad-adalen ti NIA ti gandat a pannakapabaro ti uppat a dekadan ti tawenna a Magat Dam, nga impatakder daydi Dios-ti-aluadna a Ferdinand E. Marcos Sr. idi nagakem a kas Presidente. (Darryl John Esguerra/PNA//Lito Hilidon/Bannawag)