Saan a nababbaba ngem 11 nga Overseas Filipino worker (OFW) ti naapektaran iti nauram a pasdek iti Kuwait, segun iti Department of Migrant Workers (DMW) itay Hunio 13, 2024.
Segun iti Interior Ministry ti Kuwait, addan 49 a tao ti natay
Nangrugi ti uram iti 4:30 ti parbangon itay Hunio 12 (9:30 ti agsapa iti oras ti Filipinas) iti Mangaf District iti abagatan ti Siudad Kuwait.
Kinuna ti Migrant Workers Office (MWO)-Kuwait a natalgeden dagiti tallo nga OFW, idinto a tallo pay nga OFW ti nadangran ket addan iti ospital.
Valdez, Opinaldo, Padios, nangabak iti Maika-72 a Palanca Memorial Awards for Literature
Saan pay ammo ti MWO-Kuwait ti kasasaad ti lima nga OFW ta ur-urayenda pay ti kompirmasion manipud kadagiti opisial ti ospital.
Binilin ni DMW Secretary Hans Leo Cacdac ti MWO-Kuwait a wanawananda dagiti naapektaran nga OFW, ket kitaenda no ania ti kasapulan dagitoy.
Iti sabali a bangir, imbilin ni Kuwaiti Emir Sheikh Mishal Al-Ahmad Al-Jaber Al-Sabah ti dagus a pannakaimbestigar iti pannakauram ti pasdek a maibilang a kakaruan nga uram iti historia ti Kuwait. (Aaron Recuenco/Manila Bulletin//Lito Hilidon/Bannawag)
