Nasuroken a PhP104 a milion ti gatad ti nadadael iti agrikultura iti Rehion 6 ken 7, gapu iti panagbettak ti Bulkan Kanlaon iti Isla ti Negros, segun iti National Disaster Risk Reduction and Management Council (NDRRMC) ita, Hunio 13, 2024.
Katukad daytoy ti 3,947.27 metrika tonelada a produkto ti agrikultura.
1,706 ti naapektaran a mannalon -- 135 iti Rehion 6 ken 1,571 iti Rehion 7 -- idinto a 842.33 nga ektaria ti dagup ti taltalon a naapektaran iti dua a rehion.
625.85 nga ektaria ti naideklerar a saanen a maisalbar, ket 216.48 nga ektaria ti mabalin pay a maisalbar.
Valdez, Opinaldo, Padios, nangabak iti Maika-72 a Palanca Memorial Awards for Literature
Iti sabali a bangir, 8,580 a pamilia (wenno 29,739 a tao) ti naapektaran iti 25 a bario iti Rehion 6 ken 7.
Mapanen a PhP11,346,626 ti gatad ti tulong a naipaay ti gobierno kadagiti naapektaran a pamilia. (Priam Nepomuceno/PNA//Lito Hilidon/Bannawag)
