Madutokanen ti baro a Secretary ti Department of Education (DepEd) iti arinunos ti Hunio, kas kinuna ni Presidente Marcos Jr. iti maysa nga interbiu itay Hunio 27, 2024.
Maipakammon sakbay nga agngudo daytoy a lawas no asino ti agbalin a kasukat ni Bise-Presidente (BP) Sara Duterte a naglusulos itay Hunio 19.
Kinuna ni Presidente Marcos nga inuntonna ken ni BP Sara ti makaigapu iti panaglusulos daytoy, ngem kinunana a saanen a kayat ni BP Sara a pagsaritaanda pay daytoy.
Nupay epektibo inton Hulio 19 ti pananglusulos ni BP Sara, kinuna ni Marcos a masapul nga adda a dagus mangidaulo iti maysa a kapatgan nga ahensia iti pagilian, ta napateg ti trabaho daytoy.
Mangnamnama ni Marcos iti pannakaisubli ti panangipateg ni Pinoy iti arte a Filipino
Segun ken ni Marcos, ut-utobenna no ania ti nasken a kababalin ti agakem iti DepEd.
Maipapan iti Uniteam, kinuna ni Marcos a ti panagtalinaed ti Uniteam ket agsadag iti pagtakderan ni BP Sara inton eleksion -- no agtalinaed daytoy iti administrasion wenno mapan iti oposision. (Argyll Cyrus Geducos/Manila Bulletin//Lito Hilidon/Bannawag)
