Kalpasan a naabsuelto ni dati a Senador Leila de Lima kadagiti tallo a kasona, kinuna ni Presidente Ferdinand "Bongbong" Marcos Jr. (PBBM) a daytoy ti pammaneknek nga agan-andar ti sistema ti hustisia ti Filipinas, ket saan a kasapulan a makiraman ti International Criminal Court (ICC) iti pagilian.
Daytoy ti imbatad ni PBBM iti maysa nga interbiu itay Hunio 27, 2024.
Kinuna pay ni PBBM nga adda ken ni De Lima ti pangngeddeng no makitinnulong daytoy iti panagimbestigar ti ICC iti drug war ti naglabas nga administrasion.
Ngem inlawlawag ni PBBM a saan a nagbaliw ti pangngeddengna nga awan ti jurisdicition ti ICC iti Filipinas. (Argyll Cyrus Geducos/Manila Bulletin//Lito Hilidon/Bannawag)
Nasional
