Impaulog ti Department of Education (DepEd) ti Memorandum No. 32 series of 2024, wenno ti Enrollment Guidelines for SY 2024-2025, a pinirmaan ni DepEd Undersecretary Nolasco Mempin, a mangipakaammo a mangrugi ti enrollment kadagiti amin nga eskuela ti gobierno inton Hulio 3 agingga iti 26.
Imbatad pay ti DepEd a mangrugi ti klase inton Hulio 29.
Segun iti DepEd, tallo ti wagas ti panagpalista kadagiti agadal iti elementaria ken hayskul, agraman kadagiti community learning center (CLC)
Umuna, babaen ti in-person a panagpalista; maikadua, babaen ti text message (SMS), ania man a messaging app, wenno email ti pagadalan; ket maikatlo, babaen ti dropbox enrollment kadagiti pagadalan wenno barangay hall nga asideg iti pagadalan.
Mangnamnama ni Marcos iti pannakaisubli ti panangipateg ni Pinoy iti arte a Filipino
Inlawlawag ti DepEd a no awan ti Philippine Statistics Authority (PSA) Birth Certificate ti ubing, mabalin ti Birth Certificate (late registration) manipud iti local civil registrar, wenno ti barangay certification a naglaon kadagiti kangrunaan a datos ti ubing.
Impaganetget pay ti DepEd kadagiti pribado ken para iti publiko a pagadalan a surotenda a sipipinget ti kindergarten cut off age.
Kangrunaanna, impalagip ti DepEd iti publiko ti nainget a pannakaipatungpal ti No Collection Policy kadagiti eskuela. (Merlina Hernando-Malipot/Manila Bulletin//Lito Hilidon/Bannawag)
