Inkari ni Senador Juan Edgardo “Sonny” Angara itay Hulio 3, 2024 a suportaranna ti singasing a mangipangato iti sueldo dagiti para iti publiko a mannursuro.
Kinuna ti tumugaw a Department of Education (DepEd) Secretary nga adalenna ti singasing nga agbalin a PhP50,000 ti sueldo dagiti para iti publiko a mannursuro, ta saan laeng a nasasayaat a kasasaad ti pagtrabahuan ti kayatna nga ipaay kadakuada, no di ket pay ti naim-imbag a sueldo ken benepisio.
Segun ken ni Angara a dati a daulo ti Senate Committee on Finance, ti Kongreso ti mangikeddeng iti sueldo dagiti empleado ti gobierno, ket isu ti ilunglungalongna idi isuna pay ti daulo ti komite.
Innayon ni Angara a yumanna iti Department of Finance (DOF) ken iti Department of Budget and Management (DBM) tapno adalenda ti singasing a panangingato iti sueldo.
Mangnamnama ni Marcos iti pannakaisubli ti panangipateg ni Pinoy iti arte a Filipino
Maipapan iti pannakakissay iti trabaho dagiti mannursuro, kinuna ni Angara a masapul nga ad-adu ti orasda iti panagisuro ken panangtaming kadagiti adalan, ngem iti administratibo a trabaho.
Mainaig iti pannakaisubli ti Reserve Officers’ Training Corps (ROTC), kinuna ni Angara nga itaklinna dayta iti Kongreso. (Hannah Torregoza/Manila Bulletin//Lito Hilidon/Bannawag)
