Pinirmaan da Japan Foreign Minister Kamikawa Yoko ken Defense Secretary Gilberto Teodoro ti Philippines-Japan Reciprocal Access Agreement (RAA) iti Malakanyang ita, Hulio 8, 2024. Nagpaay a saksi da Japan Defense Minister Kihira Minoru, Presidente Ferdinand 'Bongbong' Marcos Jr., ken Foreign Affairs Secretary Enrique Manalo.

Pinirmaanen ti Filipinas ken Japan ti Reciprocal Access Agreement (RAA) ita, Hulio 8, 2024, a mangipalubos iti dua a pagilian a mangibaon iti puersa militar iti teritorioda para iti sangsangkamaysa a panagsanayda.

Sinaksian ni Presidente Ferdinand R. Marcos Jr. ti seremonia a panagpirma da Defense Secretary Gilbero Teodoro ken Japanese Foreign Minister Kamikawa Yoko iti Malakanyang.

Sakbay ti panagpirma, inyebkas ni Presidente Marcos ti ragsakna a pannakasaksina iti bunga ti panagtulag dagiti dua a pagilian a nabayagen a ginandatda.

Inyebkas met ni Japanese Foreign Minister Kamikawa ti gandat a mangpatibker iti singgalutda ti Filipinas ken Japan.

Nasional
Mangnamnama ni Marcos iti pannakaisubli ti panangipateg ni Pinoy iti arte a Filipino

Mangnamnama ni Marcos iti pannakaisubli ti panangipateg ni Pinoy iti arte a Filipino

Kinuna ni Japanese Defense Minister Kihara a makitinnulong isuna iti katupagna nga opisial ti Filipinas tapno mapasayaat ti singgalut ti panagdepensa ti dua a pagilian. (Argyll Cyrus Geducos/Manila Bulletin//Lito Hilidon/Bannawag)