Pattapattaen ti Department of Finance (DOF) a mabalin a PHP5 kada kilo ti lakaan ti presio ti bagas inton Agosto, gapu iti bimmaba a taripa iti importasion.
Kinuna ni DOF Secretary Ralph G. Recto itay Hulio 8, 2024 a babaen ti pannakaibassit ti taripa wenno buis ti maangkat a bagas manipud iti 35% agingga iti 15%, manamnama ti 10% a pannakakissay iti presio ti bagas iti nabatbati a paset ti tawen.
Segun ken ni Recto, manipud iti agdama a PhP54.40, agbalin a PhP50 ti kada kilo ti bagas inton Agosto.
Kinuna ni Recto a ti bagas ti kangrunaana mangtignay iti implasion sipud iti Septiembre 2023, gapu met laeng iti ingingina ti bagas iti sangalubongan a merkado.
COC ni Doc Willie Ong a para senador, impila ti asawana
Inaklon ni Recto nga agdagup iti PhP9.2-bilion ti lugi ti gobierno gapu iti pannakakissay ti taripa, ngem palag-anen met daytoy ti kasasaad dagiti marigrigat a pamilia. (Manila Bulletin//Lito Hilidon/Bannawag)
