Dagiti 125 a kameng ti Philippine Army ken dagiti katupagda iti Australian Army a dimmar-ay iti seremonia ti panaglukat ti Philippine-Australia Exercise Carabaroo 2024 sadiay Darwin, Australia idi Hulio 15, 2024. (Ladawan: Pammadayaw ti Philippine Army Facebook Page)

Pormal a naluktan ti Philippine Army (PA) ken ti Australian Army itay Hulio 15, 2024 ti Exercise Carabaroo 2024 a naisayangkat iti siudad ti Darwin, Australia.

Paset daytoy iti nasaksaknap nga Exercise Predator’s Run 2024 nga ibilang ti Australian Army a kapatgan a panagsanay iti igid ti baybay ita a tawen.

Ti 1st Brigade ti Australian Army ti nangsangaili iti 125 a soldado ti Filipinas nga indauluan ni Governance and Strategy Management Office (GSMO), 5th Infantry Division (GSMO, 5ID) Chief Col. Jesus C. Pagala.

Mairaman met dagiti armada ken marino ti Estados Unidos, United Kingdom, ken Timor Leste iti panagsanay iti pannakaaramat ti Light Littoral Brigade iti amianan a baybay ti Australia.

Nasional
Mangnamnama ni Marcos iti pannakaisubli ti panangipateg ni Pinoy iti arte a Filipino

Mangnamnama ni Marcos iti pannakaisubli ti panangipateg ni Pinoy iti arte a Filipino

Ti delegasion ti PA ket buklen ti napili a General Staff ken kameng ti 5th Infantry Division, Training and Doctrine Command, Army Artillery Regiment, Army Signal Regiment, Army Support Command, Special Forces Regiment (Airborne), First Scout Ranger Regiment, ken ti Combat Engineer Regiment.

Nakipaset ti Filipinas kas sagudayen ti Status of Visiting Forces Agreement (SOVFA) iti nagbaetan ti Filipinas ken Australia idi Mayo 2007. (Priam Nepomuceno/PNA//Lito Hilidon/Bannawag)