Indauluan ti Kasibu Tourism and Culture Division ti pannakaipasdek ti karatula a mangipabigbig ken mangitandudo iti ili ti Kasibu a kas "Citrus Capital of Luzon."
Nakipaset iti pannakaipatakder iti karatula dagiti agtagikua iti EHB Citrus Farm iti Barangay Binogawan, Kasibu, Nueva Vizcaya a da Mr. and Mrs. Ernesto Benhel, idi Hulio 12, 2024.
Ti EHB Citrus Farm ti maibilang a kangrunaan a paset ti agrikultura ti Kasibu, ken maysa kadagiti mangparparnuay iti de-kalidad a citrus.
Agpaay ti pasdek a kas pangbigbig iti rumangrang-ay nga industria ti citrus iti rehion, ken ti kontribusion daytoy iti lokal nga ekonomia.
Ilocos Sur, Umuna a Puesto iti Regional SubayBAYANI Awards
Ti karatula a "Citrus Capital of Luzon" ket manamnama nga agbalin a pagilasinan a pasdek a mangallukoy kadagiti turista iti Kasibu.
Kinuna ni Kasibu Tourism Officer Christian Daulayan a daytoy a gannuat ket maitunos iti nasaknap a panggep ti Municipal Tourism Office a mangpapigsa iti ecotourism ken mangiparang iti kultural a tawid ken kinapintas ti Kasibu.
Inton Agosto 7-10, 2024, rambakan ti Kasibu ti tinawen a Citrus Festival.
Malaksid iti citrus, pagpannakkel pay ti Kasibu ti world-class ken multi-chamber a gukayab daytoy iti Barangay Capisaan. (PIA Nueva Vizcaya//Lito Hilidon/Bannawag)
