Inaugoraran ni Presidente Ferdinand Marcos Jr. (PBBM) ti nairingpas a dam ti Jalaur River Multipurpose Project - Stage II (JRMP-II) iti Calinog, Iloilo itay Hulio 16, 2024.
Daytoy ti kadakkelan a water reservoir a proyekto ti National Irrigation Administration (NIA) iti ruar ti Luzon.
Aggatad ti JRMP-II iti PhP20-bilion, ket tallo ti kangrunaan a pasetna: irrigation development, environmental ken watershed management, ken institutional development.
Buklen daytoy ti tallo a dam ken kanal nga agatiddog iti 80-kilometro, nasurok a 30,000 nga ektaria ti masakupanna, ket pagnumaran ti 25,000 a mannalon.
Mangnamnama ni Marcos iti pannakaisubli ti panangipateg ni Pinoy iti arte a Filipino
Manamnama a manayonan iti 160,000-metrika tonelada ti tinawen nga apit iti Rehion 6.
Aggapu iti dam ti 86-milion a litro a danum a kasapulan dagiti komersio ken industria ti Iloilo City ken dagiti kabangibangna nga ili.
Manamnama met a mangparnuay ti dam iti 6.6-megawatt a koriente nga agpaay iti Panay Island.
Nabukel ti JRMP idi 1960 babaen ti Republic Act (RA) No. 2651, ket nalpas ti umuna a paset daytoy idi 1982.
Manamnama a naan-anayton nga agandar ti JRMP-II iti tengnga ti 2025. (Betheena Unite/Manila Bulletin//Lito Hilidon/Bannawag)
