Nairingpas ti Philippine Coast Guard (PCG) ken United States Coast Guard (USCG) ti Joint Passing Exercise (PASSEX) iti Lubang Island, Mindoro itay Hulio 17, 2024, kalpasan a masaripatpatan ti autoridad ti barko ti China Coast Guard (CCG) idiay.
Rinugian ti BRP Melchora Aquino (MRRV-9702) ti PCG ken ti Cutter Waesche (WMSL-751) ti USCG ti panagsanay iti alas siete ti agsapa agingga iti tengnga ti aldaw idi Hulio 16.
Kinuna ni Commo. Jay Tarriela, Spokesperson ti PCG para iti West Philippine Sea (WPS), a panggep ti PASSEX a patibkeren ti panagtinnulong dagiti dua a Coast Guard.
Nairaman iti panagsanayda ti search and rescue (SAR), firefighting, communication exercises (COMEX), ken medical evacuation (MEDEVAC).
Mangnamnama ni Marcos iti pannakaisubli ti panangipateg ni Pinoy iti arte a Filipino
Naisayangkat daytoy a panagsanay kalpasan a napaliiw ti Philippine Navy (PN) nga aglaylayag ti vessel "5303" a kukua ti CCG iti baybay nga asideg ti Lubang Island, Mindoro idi Hulio 14. (Martin Sadongdong/Manila Bulletin//Lito Hilidon/Bannawag)
