Ni Krishna Marie Gravidez, ti Siudad ti Baguio, ti nakoronaan a kas Miss World Philippines 2024 iti SM Mall of Asia Arena iti Pasay City itay Hulio 20, 2024.
Malaksid iti korona, inyalat pay ni Gravidez ti Miss Photogenic, Best In Swimsuit, ken Best In Evening Gown.
Iti benneg ti question-and-answer, nasaludsod ken ni Krishnah: "Should inclusivity be a top priority among pageants? Yes or no? Explain your answer."
"Pageantry is a platform where we express ourselves as women and men. I feel like this is a platform to promote our advocacies, the cause we are fighting for, and the things that we love. I think that in a world [that’s] evolving, we as humans, we should evolve too," insungbat ni Krishnah.
Mangnamnama ni Marcos iti pannakaisubli ti panangipateg ni Pinoy iti arte a Filipino
Ni Jasmine Omay a tubo ti Tarlac, ti nakoronaan a kas 1st Princess (first runner-up), idinto a ni Sophia Santos a tubo ti Pampanga ti 2nd Princess (second runner-up).
Saan met a nagpaudi ti tubo ti Pangasinan a ni Nikhisah Buenafe Cheveh a nangyalat iti Miss Multinational Philippines 2024 a titulo.
Nakoronaan met a kas Miss Tourism Philippines 2024 ni Patricia Bianca Tapia manipud iti Batangas City; Reina Hispanoamericana Filipinas 2024 ni Deanna Marie Mate ti Cavite; ken Face of Beauty Philippines 2024 met ti inyalat ni Jeanne Isabelle Bilasano a tubo ti Bicol.
Idi 2019, nagbasa ni Krishnah iti St. Louis University iti Baguio City, ngem immallatiw iti University of Northern Philippines (UNP) iti Vigan, Ilocos Sur ta kayatna ti agbalin a civil engineer.
Ni Krishnah ti mangibagi iti Filipinas iti salip a Miss World inton umay a tawen.
Kadagiti amin a beauty pageant, ti Miss World ti kapautan; nangrugi iti United Kingdom idi 1951. (Robert Requintina/Manila Bulletin/Lito Hilidon/Bannawag)
