Insaad ti Philippine Atmospheric, Geophysical and Astronomical Services Administration (PAGASA) ti Signal No. 1 iti sumagmamano a paset ti Cagayan ken Isabela itay Hulio 22, gapu iti epekto ti Bagyo “Carina” (international name “Gaemi”).
Itay 5:00 ti parbangon, naisaad ti Signal No. 1 kadagiti ili iti dayaen a paset ti Cagayan (Santa Ana, Gattaran, Baggao, Peñablanca, Lal-Lo, Gonzaga) ken dagiti ili iti amianan a daya ti Isabela (Divilacan, Palanan, ken Maconacon).
Pakaruen ni Carina ti abagat a mangyeg iti tudo iti La Union, Pangasinan, Benguet, Zambales, Bataan, Occidental Mindoro, Metro Manila, Ilocos Norte, Ilocos Sur, Abra, Tarlac, Pampanga, Bulacan, Nueva Ecija, Rizal, Cavite, Batangas, ken Calamian Islands.
Itay 4:00 ti parbangon, nasaripatpatan ti kaadda ni Carina, 420 kilometro (km) iti daya ti Tuguegarao City, nga addaan iti kapigsa a 100 kilometers per hour (kph) iti asideg ti sentrona, ken pugso a 125 kph.
Mangnamnama ni Marcos iti pannakaisubli ti panangipateg ni Pinoy iti arte a Filipino
Segun iti PAGASA, nabuntog ti panatignay ti bagyo nga agpalaud, ken manamnama a rummuaren daytoy iti pagilian inton Hulio 25. (Ellalyn De Vera-Ruiz/Manila Bulletin//Lito Hilidon/Bannawag)
