Saan a prioridad ti Senado ti pannakaamendar ti 1987 Konstitusion (Charter change wenno "Cha-cha"), kas kinuna ni Presidente ti Senado Francis "Chiz" Escudero itay Hulio 22, 2024.
Iti umuna a panagbitlana kas Presidente ti Senado, iti panaglukat ti regular a sesion ti Senado, imbatad ni Escudero a maipakni pay laeng ti naipila a Cha-cha tapno maikkan iti panawen dagiti paglintegan a mangpasayaat iti biag dagiti Filipino.
Segun ken ni Escudero, maipasuli dagiti singasing a Cha-cha ket surotenda ti kadawyan a proseso no bilang ta maidatag daytoy iti plenario.
Kinuna ni Escudero nga ipangrunada dagiti common legislative agenda a nasangalda iti sanga ti Ehekutibo ken ti Kamara, idinto a saanda a nadakamat ti Cha-cha iti LEDAC (Legislative Executive Development Advisory Council).
Mangnamnama ni Marcos iti pannakaisubli ti panangipateg ni Pinoy iti arte a Filipino
Innayon pay ni Escudero a maisubli ti singasing a Cha-cha iti Senate Committee on Constitutional Amendments nga idadauluan ni Sen. Robin Padilla. (Dhel Nazario/Manila Bulletin//Lito Hilidon/Bannawag)
