Rimmuaren iti Philippine Area of Responsibility (PAR) ti Bagyo Carina (international name: Gaemi) itay agsapa ti Hulio 25, 2024, segun iti Philippine Atmospheric, Geophysical and Astronomical Services Administration (PAGASA).
Maibatay iti pakaammo ti PAGASA itay 11:00 ti agsapa, nasaripatpatan ti kaadda ni Carina, 515 a kilometro amianan-amianan a laud ti Itbayat, Batanes.
Nakangato latta ti Signal No. 1 iti Batanes.
Kinuna ti PAGASA a papigsaen ni Carina ti abagat a mangyeg iti napigsa nga angin iti sumagmamano a paset ti Luzon.
Mangnamnama ni Marcos iti pannakaisubli ti panangipateg ni Pinoy iti arte a Filipino
Agtalinaed ti napigsa agingga iti nakaro a tudo iti Ilocos Region, Zambales, ken Benguet, idinto a kalalainganna agingga napigsa a tudo ti masagrap dagiti lugar iti Pampanga, Batanes, Babuyan Islands, Ilocos Norte, Abra, ken Bataan kadagiti sumaganad nga oras. (Ellalyn De Vera-Ruiz/Manila Bulletin//Lito Hilidon/Bannawag)
