Ti Malico Pass (Salacsac Pass) iti Santa Fe, Nueva Vizcaya. (Ladawan: Pammadayaw ti Santa Fe Tourism Facebook Page)

Imbatad ni Nueva Vizcaya Provincial Tourism Officer Marichelle Costales idi Hulio 24, 2024 a ti Malico Pass (Salacsac Pass) iti Santa Fe ti pappapanan ti kaaduan a turista iti las-ud ti umuna nga innem a bulan ti 2024.

Kinuna ti Nueva Vizcaya Provincial Tourism and Culture Office (NVPTCO) nga 417,919 a turista ti simmarungkar iti Nueva Vizcaya manipud Enero agingga iti Hunio daytoy a tawen.

Maibatay iti datos nga indatag dagiti local municipal tourism office, imparang ti NVPTCO ti listaan dagiti sangapulo a lugar a pappapanan ti adu a turista iti Nueva Vizcaya.

Ti World War II Sherman's Tank iti Malico Pass, Santa Fe. (Ladawan: Pammadayaw ti Santas Fe Tourism Facebook Page)

Immuna iti listaan ti Malico Pass iti Sta. Fe nga addaan 144,215 a turista manipud Enero agingga Hunio, 2024.

Lokal
Ruth Padilla, agngayangay a kas Diputado ti Nueva Vizcaya

Ruth Padilla, agngayangay a kas Diputado ti Nueva Vizcaya

Nairaman iti listaan ti Sky Escape (Ambaguio); Tam-an BMPC MT. Resort (Bayombong); Love Camp (Ambaguio); Lower Magat Eco Tourism Park (Diadi); WWII Sherman's Tank (Sta. Fe); Kiyang Di Duntog Agro Tourism Park (Sta. Fe); Sabo Dam (Sta. Fe); Mapalyao Falls (Quezon); ken ti Corpuz Resort (Villaverde).

Ti Sky Escape 360 iti Ambaguio. (Ladawan: Pammadayaw ti Sky Escape 360 Facebook Page)

Kinuna ni Costales a namnamaenda nga ad-adu pay ti umay agpasiar iti Nueva Vizcaya kadagiti sumarsaruno a bulan, ket nagyaman daytoy iti suportar ken pannakitinnulong dagiti stakeholders iti turismo ti probinsia. (PIA Nueva Vizcaya//Lito Hilidon/Bannawag)