Maitantan ti panangrugi ti klase dagiti 738 a para iti publiko a pagadalan kadagiti uppat a rehion, ket kaaduan iti Rehion III (Bataan, Balanga, Bulacan, Meycauayan City, Malolos City, San Jose City, ken Tarlac), segun iti DepEd idi Hulio 26.

Nasuroken a 18 a milion nga adalan ti nagpalista para iti School Year (SY) 2024-2025, segun iti Department of Education (DepEd) itay Hulio 26, 2024.

Maibatay iti Enrollment Monitoring Report para iti SY 2024-2025 manipud iti Planning Service – Education Management Information System, agdagup iti 18,370,310 ti nagpalista iti formal ken non-formal education.

Agdagup iti 16,005,291 ti nagpalista iti para iti publiko a pagadalan, idinto a 2,149,361 ti adda iti pribado a pagadalan.

Agdagup iti 22,940 ti nagpalista kadagiti State Universities and Colleges (SUC) ken Local Universities and Colleges (LUC) a mangididiaya iti basic education.

Nasional
Mangnamnama ni Marcos iti pannakaisubli ti panangipateg ni Pinoy iti arte a Filipino

Mangnamnama ni Marcos iti pannakaisubli ti panangipateg ni Pinoy iti arte a Filipino

Adda met 192,718 a nagpalista iti Alternative Learning System (ALS).

Nairanta a mangrugi ti klase inton Hulio 29, ngem mabalin a maitantan daytoy kadagiti lugar a naapektaran ti Bagyo Carina ken ti abagat.

Kinuna ti DepEd a maitantan ti papangrugi ti klase kadagiti 738 a pagadalan ti gobierno a naapektaran ti didigra tapno adda wayada a mangtarimaan ken mangdalus
kadagiti eskuela. (Merlina Hernando-Malipot/Manila Bulletin//Lito Hilidon/Bannawag)