Inyawat ni Secretary ti Department of Budget and Management (DBM) Amenah F. Pangandaman ita, Hulio 29, 2024 ti singasing a National Expenditure Program (NEP) 2025 iti Kamara.
Ni House Speaker Martin Romualdez ti immawat iti NEP 2025, wenno ti singasing a badiet para iti 2025, nga aggatad iti PhP6.352 a trilion.
Kinuna ni Romualdez a ti singasing a badiet ti mangipakita iti arapaapda a mangpasayaat iti biag ti tunggal Filipino.
Innayon pay ni Romualdez a ti panangparnuay iti panggedan, de-kalidad nga edukasion, ken napasaknap a Universal Health Care iti salun-at, ti kangrunaan a pakaseknan ti NEP.
Kasasaad iti Indo-Pacific a rehion, pakaseknan ti sangalubongan
Ti NEP ket tinawen nga idatag ti Ehekutibo iti Kamara, kas pangrugian ti General Appropriations Bill (GAB), a no mapirmaan ti Presidente ket agbalin a General Appropriations Act (GAA).
Gandat ti Kamara a leppasen ti pannakatingiting iti NEP sakbay nga aginana ti Kongreso inton Oktubre daytoy a tawen. (Ellson Quismorio/Manila Bulletin//Lito Hilidon/Bannawag)
