Impanamnama ti Kamara idi Hulio 30, 2024 a mabalin a maanamongan ti singasing a PhP6.352-trilion a nailian a badiet para iti 2025 sakbay ti Oktubre.
Segun ken ni House Majority Leader Zamboanga City 2nd District Diputado Manuel Jose “Mannix” Dalipe, manamnama a maaprobaran iti maikatlo a pannakaibasa (3rd reading) ti nailian a badiet iti maikatlo wenno maudi a lawas ti Septiembre.
Maibatay iti kalendario ti lehislatibo, aginana ti Kongreso (ti Kamara ken Senado) manipud Septiembre 28 agingga Nobiembre 3.
Kinuna ni Senior Deputy Speaker Pampanga 3rd District Dip. Aurelio “Dong” Gonzales Jr. a rugianen nga adalen dagiti kameng ti House Committee on Appropriations ken ti Development Budget Coordination Committee (DBCC) ti singasing a badiet inton sumaruno a lawas.
Mangnamnama ni Marcos iti pannakaisubli ti panangipateg ni Pinoy iti arte a Filipino
Ti DBCC ket buklen ti Department of Budget and Management (DBM), Department of Finance (DOF), ken dadduma pay nga ahensia a maseknan iti pannakaisagana ti badiet. (Ellson Quismorio/Manila Bulletin//Lito Hilidon/Bannawag)
