Ladawan: Pammadayaw ti Pamalakaya

Agpegpeggad ita ti pagsapulan ti agarup 29,000 a mangngalap iti Cavite a naapektaran iti panagubo ti krudo no di malapdan ti panagsaknap daytoy iti probinsia, segun iti Pambansang Lakas ng Kilusang Mamamalakaya ng Pilipinas (Pamalakaya).

Impakaammo ti Pamalakaya a nakadanonen iti nadumaduma nga ili ti Cavite ti nagubo a krudo manipud iti limned nga MT Terra Nova iti Bataan idi Hulio 25.

Naapektaran dagiti adda iti Cavite City (5,500 a mangngalap), Noveleta (1,500 a mangngalap), Tanza (5,000 a mangngalap), Naic (7,000 a mangngalap), Rosario (6,000 a mangngalap), Ternate (3,000 a mangngalap), ken Maragondon (700 a mangngalap).

Ipakpakita ti ladawan manipud iti tangatang ti kasla krudo iti danum ti Manila Bay idi Hulio 30, 2024. Impasakbayen ti University of the Philippines Marine Science Institute a mabalin a dumanon iti Manila Bay ti nagubo a krudo manipud iti limned nga MT Terra Nova iti Limay, Bataan. (Ladawan: Pammadayaw ti Greenpeace Philippines/Facebook)

Imbatad ni Vice Chairperson ti Pamalakaya Ronnel Arambulo a dakkel a parikut dagiti mangngalap daytoy ta saandan a mailako dagiti nakalapanda gapu iti kontaminasion, idinto a dida pay nakalung-aw manipud iti epekto ni Bagyo Carina ken ti abagat.

Nasional
Mangnamnama ni Marcos iti pannakaisubli ti panangipateg ni Pinoy iti arte a Filipino

Mangnamnama ni Marcos iti pannakaisubli ti panangipateg ni Pinoy iti arte a Filipino

Gapu iti daytoy, nagkiddaw ti Pamalakaya iti tulong manipud iti Department of Agriculture (DA) ken ti Bureau of Fisheries and Aquatic Resources (BFAR).

Itay Hulio 30, kinuna ni Secretary ti Department of Agriculture (DA) Secretary Francisco Tiu Laurel a tulonganda dagiti mangngalap a naapektaran iti oil spill. (Jel Santos/Manila Bulletin//Lito Hilidon/Bannawag)